मनसे च्या जयसिंग पाटील यांची मनसेच्या मराठी कामगार सेनेच्या राज्य चिटणीस पदी नियुक्ती
मलकापूर प्रतिनिधी : शाहुवाडी तालुक्यातील कोळगाव येथील जयसिंग बळवंत पाटील यांची महाराष्ट्र नवनिर्माण सेनेच्या मराठी कामगार सेना महाराष्ट्र राज्य चिटणीस पदी संस्थापक राज ठाकरे यांच्या आदेशाने महेश जाधव ( उपाध्यक्ष- महाराष्ट्र राज्य मनसे व अध्यक्ष मराठी कामगार सेना ) यांच्या मार्फत नियुक्ती करण्यात आली आहे. याबाबत मलकापूर पंचक्रोशीतून त्यांचे अभिनंदन करण्यात येत आहे.
सह्याद्रीच्या कुशीत वसलेलं कोळगाव हे गाव असलेले जयसिंग पाटील यांची नियुक्ती म्हणजे शाहुवाडी तालुक्याचा सन्मान आहे. शाहुवाडी तालुक्यातील अनेक गंभीर प्रश्नांवर त्यांची नेहमी नजर असते. जसे पालेश्वर धरणाची पडलेली सुरक्षा भिंतीचे काम यांच्या पाठपुराव्यामुळे संपन्न झाले. कोल्हापूर जिल्ह्यातील जेएनपीटी बंदरावर असलेले आपले चाकरमानी यांच्या तसेच प्रवासी वाहतूक करणाऱ्या ट्रॅव्हल्स मधील गैरसोयींबाबत ते नेहमीच आवाज उठवत असतात.
कामगारांच्या न्याय हक्कांसाठी ते नेहमीच तत्पर असतात. या अगोदर जयसिंग पाटील यांनी मनसे चे रायगड जिल्हा सरचिटणीसपदी त्यांनी काम केले आहे.
शाहुवाडी तालुक्यातील मनसे कार्यकर्ते तसेच रायगड तालुक्यातील मनसे च्या कार्यकर्त्यांनी त्यांचे अभिनंदन करत शुभेच्छा दिल्या आहेत.
