मलकापूर हायस्कूल च्या क्रीडांगणावर क्रिकेट स्पर्धा संपन्न
मलकापूर प्रतिनिधी : शाहुवाडी तालुक्यातील मलकापूर येथे श्री नृसिंह तरुण मंडळाने आयोजित केलेल्या क्रिकेट स्पर्धेत देशमाने वॉरीयर्स संघाने विजयी कामगिरी केली आहे.
या स्पर्धेचे आयोजन मलकापूर हायस्कूल च्या क्रीडांगणावर करण्यात आले होते. या स्पर्धेत ७ संघ सहभागी झाले होते.
देशमाने वॉरीयर्स संघाकडून अखिलेश पवार व आकाश देशमाने यांनी सुरुवातीपासून उत्कृष्ट फटकेबाजी केली. एक हि विकेट न गमावता या संघाने विजय मिळवला. श्रीराम संघाने पाच षटकात ४१ धावा काढल्या. यावेळी मिहीर कोठावळे व अश्विन पवार यांनी उत्कृष्ट फलंदाजी केली.
या स्पर्धेत प्रथम क्रमांक देशमाने वॉरीयर्स, द्वितीय क्रमांक जय श्रीराम सांस्कृतिक मंगल कार्यालय संघ,तृतीय क्रमांक एस.पी. बॉईज संघाने मिळवला.
मॅन ऑफ द टूर्नामेंट -संकेत पवार, उत्कृष्ट गोलंदाज- शुभम माने, उत्कृष्ट फलंदाज अश्विन पवार, मॅन ऑफ द मॅच – आकाश देशमाने हे ठरले आहेत. या स्पर्धेसाठी पंच म्हणून निलेश कडवेकर, प्रशांत चोरगे, ओंकार वारंगे, उत्कर्ष कोठावळे यांनी काम पाहिले.
