पंचायत समितीच्या माध्यमातून सामन्य जनतेचा विकास व्हावा – आमदार डॉ. विनय कोरे
बांबवडे : शाहुवाडी तालुक्यातील गावांचा सर्वांगीण विकास पंचायत समिती च्या माध्यमातून करावा. यासाठी लागणारा निधी आमदार फंडातून पुरविला जाईल, असे मत प्रतिपादन आमदार डॉ. विनय कोरे यांनी केले.
शाहुवाडी पंचायत समिती च्या सभापती व उपसभापती यांच्या कार्यालयाच्या प्रवेश समारंभ प्रसंगी ते बोलत होते.
प्रारंभी आमदार डॉ. विनय कोरे, गोकुळ चे संचालक श्री कर्णसिंह गायकवाड यांनी छत्रपती शाहू महाराज, तसेच भारतरत्न डॉ. बाबासाहेब आंबेडकर यांच्या पुतळ्याला पुष्पहार अर्पण केले. त्यानंतर फुलांचा वर्षाव करीत, शाहुवाडी पंचायत समितीत डॉ. कोरे यांच्या हस्ते पदाधिकारी व कार्यकर्त्यांसमवेत सभापती व उपसभापती कार्यालयाचे उद्घाटन करण्यात आले. तसेच सभापती सौ प्रियांका तानाजी भोसले व उपसभापती श्री अमरसिंह नारायण खोत यांना मानाने त्यांच्या सभापती कार्यालयात व उपसभापती कार्यालयात स्थानापन्न करण्यात आले. यावेळी आमदार कोरे यांनी सभापती व उपसभापती यांचे अभिनंदन केले, आणि पुढील वाटचालीस शुभेच्छा दिल्या.
यावेळी कोल्हापूर जिल्हापरिषदेचे जनसुराज्य शक्ती पक्षाचे गट नेते श्री सर्जेराव पाटील पेरीडकर, शाहुवाडी पंचायत समिती सदस्य राजेश पांडुरंग पाटील, सुरेश पवार, गटविकास अधिकारी श्री मंगेश कुन्चेवार यांच्यासह जनसुराज्य शक्ती पक्षाचे पदाधिकारी व कार्यकर्ते मोठ्या संख्येने उपस्थित होते.
