प्रा.अभिजित पाटील “बेस्ट ग्रीन क्लब समन्वयक” पुरस्काराने सन्मानित
बांबवडे : प्रा. अभिजीतराजे आबासाहेब पाटील रहाणार शिंपे तालुका शाहुवाडी यांना उच्च व तंत्र शिक्षण विभाग महाराष्ट्र शासन व युनिसेफ च्या वतीने “बेस्ट ग्रीन क्लब समन्वयक” पुरस्काराने सन्मानित करण्यात आले आहे. याबाबत साप्ताहिक शाहुवाडी टाईम्स, एसपीएस न्यूज आणि परिवाराच्या वतीने हार्दिक अभिनंदन .
या पुरस्काराचा वितरण सोहळा पुणे इथं उच्च व तंत्र शिक्षण मंत्री नामदार चंद्रकांत दादा पाटील यांच्या अध्यक्षतेखाली व उच्च शिक्षण संचालक डॉ. शैलेन्द्र देवळाणकर यांच्या उपस्थितीत संपन्न झाला.
प्रा. अभिजीत राजे पाटील हे नाईट कॉलेज ऑफ आर्ट्स, कॉमर्स इचलकरंजी इथ समाजशास्त्र विभागप्रमुख म्हणून कार्यरत आहेत.
गेल्या दोन वर्षातील त्यांच्या उत्कृष्ट कार्यामुळे त्यांना हा पुरस्कार प्राप्त झाला आहे. त्यांच्या विविध उपक्रमांसाठी महाविद्यालयाला इतर दोन पुरस्कार हि प्राप्त झाले आहेत.
त्यांच्या या यशात त्यांना संस्थेचे चेअरमन अरुण् रावजी खंजिरे, राहुलसाहेब खंजिरे, महाविद्यालयाचे प्राचार्य .प्रा. डॉ.विरुपाक्ष खानाज यांचे मार्गदर्शन लाभले.
प्रा. अभिजित पाटील हे कोडोली अर्बन बँकेचे संचालक आबासाहेब पाटील यांचे चिरंजीव आहेत. कोल्हापूर जिल्ह्यातून उच्च शिक्षण विभागातून एकमेव प्रा.अभिजित पाटील यांची निवड करण्यात आली आहे.
