बांबवडे गावाच्या उपसरपंच पदी सौ मनीषा पाटील यांची बिनविरोध निवड

बांबवडे : बांबवडे तालुका शाहुवाडी येथील ग्रामपंचायत च्या  उपसरपंच पदी प्रथम च महिला उपसरपंच म्हणून सौ. मनीषा दीपक पाटील यांची बिनविरोध निवड करण्यात आली आहे.

या निवडीसाठी ग्रामपंचायत अधिकारी हेमंत जाधव यांच्या मार्गदर्शनाखाली हि निवड प्रक्रिया संपन्न झाली. बांबवडे इथं प्रथमच महिला उपसरपंच म्हणून सौ मनीषा पाटील यांनी पदभार स्वीकारला. यामुळे गावात उत्साहाचे वातावरण निर्माण झाले होते. सौ. मनीषा या ग्रामपंचायत लिपिक श्री दीपक शामराव पाटील यांच्या सुविद्य पत्नी आहेत. दीपक पाटील हे २००४ सालापासून लिपिक म्हणून कार्यरत आहेत. गावाचे ग्रामस्थ आणि ग्रामपंचायत यांच्यामधील ते एक दुवा आहेत. सुमारे २१ वर्षे त्यांनी गावाची सेवा केली असून, कोणालाही दुजाभाव न करता, सुविधा देण्याचे काम त्यांनी अत्यंत  प्रामाणिकपणे सांभाळले आहे. कदाचित त्यांच्या या कामाचीच ग्रामस्थांनी त्यांना पोच पावती दिली असावी. यावेळी उपसरपंच सौ मनीषा पाटील यांची गावातून मिरवणूक काढण्यात आली.

यावेळी ठिकठिकाणी त्यांचे हार, बुके देवून अभिनंदन करण्यात आले. यावेळी आनंद प्रभावळे, माजी उपसभापती महादेवराव पाटील, तसेच साळशी गावाचे माजी सरपंच संदीप पाटील, पांडुरंग वग्रे यांनी उपसरपंच सौ मनीषा पाटील यांचे बुके देवून अभिनंदन  करण्यात आले. तसेच येथील आदर्श मित्र मंडळ यांच्यावतीने सुद्धा त्यांचे अभिनंदन करण्यात आले. अध्यक्ष ,उपाध्यक्ष, व सर्व सदस्य यावेळी उपस्थित होते.

या निवडी वेळी लोकनियुक्त सरपंच सर्वश्री भगतसिंग चौगुले, नवनिर्वाचित पंचायत समिती सदस्य श्री अभयसिंह चौगुले, मावळते उपसरपंच सर्वश्री सुरेश नारकर, माजी उपसरपंच स्वप्नील घोडे-पाटील, माजी उपसरपंच दीपक निकम, दिग्विजय पाटील, विद्यानंद यादव, वंदना बंडगर, सीमा निकम ,शोभा निकम, कविता प्रभावळे, सुनिता कांबळे, हे सदस्य असून, लिपिक दीपक पाटील, शिपाई महादेव कांबळे, यांच्यासह शरद निकम, मुकुंद प्रभावळे, विजय कांबळे, अमर निकम, दत्तात्रय सुतार यांच्यासह अनेक कार्यकर्ते, तसेच ग्रामस्थ राजाराम पाटील, भगवान निकम, बाळासाहेब पाटील,विनोद चौगुले,अरुण निकम, व कार्यकर्ते यावेळी उपस्थित होते.