महाशिवरात्री निमित्त ५१००० रुद्राक्षांचे शिवलिंग दर्शन – संगीता बहेनजी ब्रम्हाकुमारीज केंद्र बांबवडे
बांबवडे : बांबवडे तालुका शाहुवाडी येथील ब्रम्हाकुमारी केंद्राच्या वतीने महाशिवरात्रीनिमित्त विविध कार्यक्रमांचे आयोजन करण्यात आले आहे. अशी माहिती बांबवडे केंद्राच्या संचालिका संगीता बहेनजी यांनी एसपीएस न्यूज शी बोलताना दिली.
महाशिवरात्री निमित्त ब्रम्हाकुमारीज शिवसागर इमारत बांबवडे इथं प्रजापिता ब्रम्हाकुमारीज केंद्राच्या वतीने मलकापूर -कोलापूर रोड, नजीक ५१००० रुद्राक्षाचे शिवलिंग तयार करण्यात येणार आहे. रविवार दि. १५ ते १७ फेब्रुवारी दरम्यान शिवलिंग दर्शन सोहळा पाहण्यास भाविकांना खुला राहणार आहे. या अनुषंगाने केंद्राच्या वतीने शिवज्ञान जागृती, अध्यात्म संदेश प्रसार, ध्यान साधना याबरोबरच योगिक शेती स्टॉल मांडण्यात येणार आहे.
पवित्र अशा महाशिवरात्री निमित्त विद्यालय अनेक वर्षे हे उपक्रम राबवीत आहेत. यावेळीही हि ९०वी महाशिवरात्री आहे. या पवित्र अशा धार्मिक कार्यक्रमांचा लाभ घ्यावा, असे आवाहन केंद्राच्या संचालिका संगीता बहेनजी यांनी केले आहे.
