“ यशराज ऑप्टीकल्स ” च्या १७ व्या वर्धापन दिनानिमित्त आभाळभर शुभेच्छा

बांबवडे :  “ यशराज ऑप्टीकल्स ” च्या १७ व्या वर्धापन दिनानिमित्त साप्ताहिक शाहुवाडी टाईम्स व एसपीएस न्यूज च्या वतीने आभाळभर शुभेच्छा .

यशराज ऑप्टीकल्स म्हणजे बंधुत्व आणि परिश्रमाचे अत्त्युच्च टोक म्हणावयास हरकत नाही. यानिमित्त त्यांच्या कर्तुत्वाबद्दल शाब्दिक हितगुज.

ओंकार व मयूर कदमबांडे ह्या दोन्ही भावांनी बांबवडे गावात १७ वर्षांपूर्वी उभा केलेला चष्म्यांचा व्यवसाय आज गुढी प्रमाणे उंचच उंच जात आहे. त्यांनी आजवर सुमारे दोन लाख चष्मे विक्रीचा व्यवसाय केला आहे. परंतु या पाठीशी या दोन्ही भावांचे परिश्रम खूप मोठे आहे. त्यांनी आपल्या बुद्धिमत्तेच्या जीवावर आपल्या व्यवसायातील तांत्रिक प्रशिक्षण घेतले. कारण आपल्यामुळे कोणत्याही ग्राहकाला इजा होवू नये. हा त्या मागचा प्रामाणिक दृष्टीकोन आहे. तसेच जापनीज टेक्नॉलॉजी असलेले मशीन हे त्यांनी ग्राहकांचे डोळे तपासणी साठी उपलब्ध केले आहे. कमी जागेत सुरु केलेला व्यवसाय सुंदर दिसावा, यासाठी त्यांनी आपल्या दुकानाची केलेली मांडणी पाहणाऱ्यांच्या डोळ्यात बसावी, इतकी सुंदर आहे.अद्ययावत चष्मे, तरुणांसाठी  फॅशनेबल गॉगल्स, अद्ययावत लेन्स या गोष्टी यशराज चे वैशिष्ठ्ये  दर्शवितात. याचसोबत आपल्याकडे येणारे ग्राहक दैवतासमान मानून प्रत्येकाला सौजन्याची वागणूक देतात. म्हणूनच आबाल वृद्धांपासून तरुणाई पर्यंत प्रत्येकजण यशराज चे ग्राहक आहेत. याचदरम्यान ग्राहकांच्या खिशाला विनाकारण कात्री लागणार नाही, याचीसुद्धा ते दक्षता घेतात. केवळ व्यवसाय म्हणून व्यवसाय न करता,

ग्राहकांची सुविधा आणि काळजी सुद्धा ते तितक्याच तत्परतेने घेतात.

हा व्यवसाय सांभाळताना श्री ओंकार व श्री मयूर यांच्या सुविद्य पत्नी सुद्धा त्यांना त्यांच्या व्यवसायात घराचे काम सांभाळून सहकार्य करतात. त्यांचे आईवडील देखील या दोन्ही भावांना तितकेच आशीर्वाद देतात. म्हणूनच आजचा सोनियाचा दिवस आणि त्या व्यवसायातील गगनभरारी आपण पाहू शकतो. केवळ १७ वर्षांच्या कारकिर्दीत त्यांनी गोळा केलेला जनसमुदाय देखील तितकाच मोठा आहे. कारण गावातील अनेक कामात त्यांचा सहभाग असतो. धार्मिक दृष्ट्या देखील त्यांची कामगिरी तितकीच  मोलाची आहे. श्री स्वामी समर्थांचा प्रकटदिन सुद्धा ते तितक्याच उत्साहाने साजरा करतात. यादिवशी त्याच्या गृह संकुलात महाप्रसादाचे वाटप असते. असो. पुनश्च १७ व्या वर्धापन दिनानिमित्त कदमबांडे कुटुंबियांना  लाख लाख शुभेछा तसेच गुढी पाडव्यानिमित्त व हिंदू नववर्षानिमित्त त्यांना लाख लाख शुभेच्छा.