यशवंत इंग्लिश अकॅडमी डोणोली मध्ये नृत्य नाटक कार्यशाळा संपन्न   

 बांबवडे : यशवंत इंटरनॅशनल इंग्लिश अकॅडमी आणि प्रदीप पाटील ज्युनिअर कॉलेज डोणोली तालुका शाहुवाडी इथं अभिनय व नृत्य संदर्भाची कार्यशाळा संपन्न झाली. सदर ची कार्यशाळा अभिनेत्री नयना आपटे व सुप्रसिद्ध दिग्दर्शक व लेखक प्रवीण भारदे व शुभम पादे यांच्या मार्गदर्शनाखाली दि.७ मार्च २०२६ रोजी संपन्न झाली.

यशवंत इंटरनॅशनल इंग्लिश अकॅडमी डोणोली इथं विद्यार्थ्यांच्या कला गुणांना वाव देणारे विविध उपक्रम नेहमीच संपन्न होतात. याच अनुषंगाने सुप्रसिद्ध अभिनेत्री नयना आपटे, व दिग्दर्शक व लेखक प्रवीण भारदे व शुभम पादे यांच्या उपस्थितीत नृत्य व नाटक, सिनेमा यामध्ये काम करण्यासाठी बाल कलाकार डोणोली, शाहुवाडी तालुक्यात आहेत. या बाल कलाकारांच्या अभिनयाला वाव देण्यासाठी या कार्यशाळेचे आयोजन करण्यात आले होते.

यावेळी बोलताना अभिनेत्री नयना आपटे म्हणाल्या कि, ग्रामीण भागातील मुलांच्या, बाल कलाकारांच्या कला कृतीला वाव देण्यासाठी यशवंत इंग्लिश मिडीयम स्कूल डोणोली,व तेथील व्यवस्थापक मंडळ, मुख्याध्यापक, व सर्व शिक्षक, पालक पुढाकार घेताना, पाहून आनंद वाटत आहे. भविष्यात यशवंत स्कूल डोणोली तील विद्यार्थ्यांना व परिसरातील कलाकारांना घेवून एक कलाकारांचा मोठा मंच तयार करण्यासाठी मी तत्पर असेन.

अभिनेत्री नयना आपटे, दिग्दर्शक व लेखक प्रवीण भारदे व शुभम पादे या कलाकारांनी आपल्या अभिनयातून सर्व शिक्षक, पालक, व विद्यार्थ्यांना मंत्रमुग्ध केले. यासाठी अशा कार्यशाळा भरवत राहण्याचे आवाहन केले. यशवंत स्कूल च्या विद्यार्थ्यांनी केलेले स्वागत, संस्कारक्षम कृतीमुळे अभिनेत्री आपटे ब प्रवीण भारदे, शुभम पादे हि टीम भारावून गेली. शाळेतील विद्यार्थ्यांचे त्यांनी तोंड भरून कौतुक केले.

असे उपक्रम राबविण्यासाठी संस्थेच्या अध्यक्षा मा. श्रीमती पद्मजा पाटील, संस्थेचे सचिव डॉ. जयंत पाटील, संस्थेच्या विश्वस्त मा. सौ. विनिता पाटील यांच्या मार्गदर्शनातून प्राचार्य सचिन जद सर, व सर्व शिक्षक वृंद नेहमीच कार्यकुशल असतात.

या कार्यक्रमाचे स्वागत स्नेहा भंडारे, निवेदन वैष्णवी यादव व  आभार सौ.प्रीती रेवणकर यांनी मानले.