“ है तय्यार हम ”: श्री कुंभारे उपबियान्तायांचे अभिनंदन
बांबवडे : शाहुवाडी वीज वितरण कंपनी चे उप अभियंता श्री प्रवीण कुंभारे यांनी आपल्या सहकारी कर्मचाऱ्यांच्या मदतीने कोळगावकरांची यात्रा प्रकाशमय केली. याबद्दल साप्ताहिक शाहुवाडी टाईम्स व एसपीएस न्यूज च्यावतीने श्री कुंभारे आणि त्यांचे सहकारी कर्मचारी यांचे हार्दिक अभिनंदन.
याबाबत सविस्तर हकीकत अशी कि, दि.४ एप्रिल रोजी शाहुवाडी तालुक्यातील कोळगाव ची यात्रा होती. दरम्यान त्या अगोदर दि. १ व २ एप्रिल रोजी वळवाच्या पावसाने संपूर्ण शाहुवाडी तालुक्यात हजेरी लावली होती. यावेळी गारपीट सह वादळी वारे वाहू लागले. आणि प्रचंड पाउस देखील झाला. यामुळे ठिकठिकाणी विजेचे खांब कोसळले. यादरम्यान कोळगाव येथील वीज रोहित्र चा खांब देखील कोसळला. दरम्यान दि.४ एप्रिल ला यात्रा होती. आणि वीज रोहित्र पावसामुळे कोसळल्यामुळे गावातील वीज बंद झाली. आणि ग्रामस्थ अंधाराच्या साम्राज्यात अडकून पडले होते. गावाची यात्रा निमित्त पाहुणे, मित्र परिवार यांना आमंत्रण दिले असल्याने अंधारात रात्र काढावी लागणार होती.
दरम्यान शाहुवाडी वीज वितरण कंपनी चे उपभियांता श्री प्रवीण कुंभारे यांनी मात्र या अंधाराच्या साम्राज्याला नष्ट करण्याचा चंग बांधला. त्यांनी आपल्या कर्मचारी सहकाऱ्यांसोबत कंबर कसली, आणि कामाला लागले. त्यांचे कौशल्य आणि सहकाऱ्यांचे कष्ट यांच्या संगमाने त्यांनी यात्रे अगोदर वीज रोहित्र आणि खांब पुन्हा उभे करून गावात वीज आणली. आणि कोळगाव प्रकाशित झाले.
हा अनुभव तसा आगळा वेगळा होता. कारण वीज कर्मचारी यांच्याबाबत नेहमीच तक्रार केली जात असते. परंतु श्री कुंभारे आणि त्यांच्या सहकाऱ्यांनी त्यांच्याबातीत असलेली प्रतिमा खऱ्या अर्थाने उजळून दाखवली. आणि आपण कोणत्याही प्रसंगाला तयार असल्याचे सिद्ध केले आहे.
त्यांच्या या कामगिरी निमित्त सर्वच अधिकारी आणि कर्मचारी यांचे पुन्हा एकदा अभिनंदन.
