उदय साखर च्या डीस्टीलरी विभागात आग : दोन कामगार जखमी
बांबवडे : उदय सह.साखर कारखाना लि. बांबवडे-सोनवडे या कारखान्याच्या डीस्टीलरी विभाग मध्ये आज दि. १२ फेब्रुवारी २०२६ रोजी सायंकाळी आग लागली आहे. यामध्ये २ कंत्राटी कामगार जखमी झाले असून, त्यांना उपचारार्थ कोल्हापूर इथ नेण्यात आले आहे. सदर घटनेचा पंचनामा बांबवडे चे महसूल अधिकारी व मंडल अधिकारी करीत आहेत.
याबाबत घटनास्थळावरून मिळालेल्या माहितीनुसार डीस्टीलरी विभागात वेल्डींगचे काम सुरु होते. त्यास्थळी काम करताना आग लागली असल्याचे समजते.
यावेळी अग्निशमन दलाची दोन वाहने तत्काळ आल्याने आग विझवण्यात यश आले आहे. सदर घटनेची माहिती महसूल विभागाला समजताच पंचनामा करण्यासाठी बांबवडे गावाचे महसूल अधिकारी गगन देशमुख, तसेच पन्हाळा चे मंडल अधिकारी शिवाजी पन्हाळे घटनास्थळी पोहचले आहेत.
दोन जखमी कामगारांना कोल्हापूर ला नेण्यात आले असून सध्या त्यांची प्रकृती ठीक असल्याचे समजते.
