ग्राम महसूल कार्यालयाचे प्रांताधिकारी शिंगटे यांच्या हस्ते उद्घाटन संपन्न
बांबवडे : बांबवडे तालुका शाहुवाडी येथील ( चावडी ) ग्राम महसूल कार्यालयाचे उद्घाटन शाहुवाडी, पन्हाळा विभागाचे प्रांताधिकारी श्री समीर शिंगटे यांच्या हस्ते करण्यात आले.
चावडी हा प्रत्येक गावाचा एक अविभाज्य घटक असतो. हि चावडी म्हणजे ग्राम महसूल कार्यालय. इथं महसूल खात्याचा दस्तऐवज ठेवलेला असतो. सात बारा, आठ अ, डायरी उतारा हि कागदपत्रे याच कार्यालयातून प्राप्त होत असतात. यासाठी हे कार्यालय व्यवस्थित आणि सुसज्ज असणे गरजेचे असते. ती कार्यवाही येथील ग्राम महसूल अधिकारी श्री गगन देशमुख यांनी अगदी व्यवस्थितपणे पार पाडली.
यावेळी तहसीलदार सीमा सोनावणे, गावचे लोकप्रतिनिधी पंचायत समिती सदस्य अभयसिंह चौगुले, सरपंच भगतसिंग चौगुले, माजी उपसरपंच सुरेश नारकर, स्वप्नील घोडे पाटील, दीपक निकम, शरद निकम, अमर निकम, विनोद चौगुले, दीपक पाटील, मुकुंद प्रभावळे, माजी सरपंच विष्णू यादव, महेश पाटील, आनंद पाटील, दत्तात्रय शेळके, महसूल अधिकारी गगन देशमुख, ग्राम महसूल सेवक महादेव बंडगर यांच्यासह ग्रामस्थ मोठ्या संख्येवर उपस्थित होते.
