डोणोली तील ४५ अवैध गॅस सिलिंडर साठा जप्त: तहसील कार्यालयाची कारवाई
बांबवडे : डोणोली तालुका शाहुवाडी इथं राहुल शेळके यांच्या राहत्या घरात असलेल्या किराणा दुकानात असलेले घरगुती वापराचे एकूण ४५ गॅस सिलिंडर जप्त करण्यात आले.
यामध्ये २३ गॅस भरलेले तर, २२ रिकामे सिलेंडर होते.
राहुल शेळके यांच्या राहत्या घरी किराणा सामानाचे दुकान आहे. या दुकानात हा अवैध साठा ठेवण्यात आला होता. त्याचबरोबर ६१ गॅस सिलिंडर चे कार्ड देखील होते.
हि कारवाई जिल्हाधिकारी अमोल येडगे यांच्या मार्गदर्शनाखाली प्रांताधिकारी समीर शिंगटे, तहसीलदार सीमा सोनावणे, पुरवठा अधिकारी भारती भोसले यांनी संयुक्तपणे केली आहे.
दरम्यान अशा पद्धतीचा जीवनावश्यक वस्तूंचा अवैधरीत्या साठा केला जात असेल,तर तहसीलदार कार्यालय यांच्याशी संपर्क साधावा, असे आवाहन तहसीलदार सीमा सोनावणे यांनी केले आहे.
