यशवंत स्कूल डोणोली चा राज्यस्तरीय ग्रामर परीक्षेत यशाचा झेंडा : शंतनू कुलकर्णी राज्यात दुसरा
बांबवडे : शाहुवाडी तालुक्यातील डोणोली येथील यशवंत इंटरनॅशनल इंग्लिश अकॅडमी राज्यस्तरीय ग्रामर परीक्षा २०२६ चा निकाल शंभर टक्के लागला आहे. यशस्वी विद्यार्थ्यांचे संस्थेच्या वतीने अभिनंदन करण्यात आले आहे. साप्ताहिक शाहुवाडी टाईम्स व एसपीएस न्यूज च्या वतीने सुद्धा यशस्वी विद्यार्थ्यांचे हार्दिक अभिनंदन. या परीक्षेत इय्यता ९ वी चा विद्यार्थी शंतनू शरद कुलकर्णी हा राज्यात दुसरा आला आहे.
यामुळे संस्थेच्या मस्तकावर पुन्हा एकदा मानाचा तुरा रोवला गेला आहे.
महाराष्ट्र मुंबई परीक्षा मंडळ, मुंबई, आयोजित इंग्लिश ग्रामर परीक्षा २०२६ मध्ये यशवंत स्कूल डोणोली चा विद्यार्थी शंतनू कुलकर्णी हा राज्यात दुसरा आला आहे.
श्री यशवंत शिक्षण प्रसारक मंडळ कोडोली संचलित यशवंत इंटरनॅशनल इंग्लिश अकॅडमी अँड प्रदीप पाटील ज्युनिअर कॉलेज डोणोली या शाळेतील आठ विद्यार्थी राज्यस्तरीय ग्रामर इंग्लिश, ग्रामर ड गटाच्या परीक्षेमध्ये सहभागी झाले होते. या परीक्षेमध्ये शाळेचे सर्वच विद्यार्थी डीस्टींक्शन मार्क्स घेवून उत्तीर्ण झाले आहेत. या यशामध्ये विद्यार्थ्यांना शिकवणाऱ्या शिक्षकांचा मोलाचा वाटा आहे. यामध्ये सौ. स्नेहा भंडारे यांचे विद्यार्थ्यांना मार्गदर्शन लाभले.
या सर्व विद्यार्थ्यांचा यशाबद्दल संस्थेचे सचिव डॉ. जयंत पाटील, विश्वस्त सौ. विनिता पाटील, अध्यक्षा श्रीमती पद्मजा पाटील व संस्थेचे प्राचार्य श्री सचिन जद सर यांच्याकडून विद्यार्थ्यांवर शुभेच्छांचा वर्षाव होत आहे. तसेच स्कूल चे शिक्षक वृंद,शिक्षकेतर कर्मचारी व पालक वर्ग यांच्याकडून देखील विद्यार्थ्यांना शुभेच्छा देण्यात आल्या आहेत.
