वारणा कापशीच्या सिद्धेश्वर देवालयाच्या नूतन वास्तू चा पायाभरणी समारंभ
बांबवडे : शाहुवाडी तालुक्यातील वारणा कपाशी चे ग्रामदैवत श्री सिद्धेश्वर देवालयाची नूतन वास्तू उभारण्यात येत आहे. नूतन वास्तू चा पायाभरणी समारंभ मोठ्या उत्साहात संपन्न झाला.
देवालय ला “ क ” वर्ग दर्जा प्राप्त झाल्याने, शासनाच्या वतीने मिळणारा निधी व लोकवर्गणीतून सुमारे १ कोटी रुपयांचे देवालय उभारण्यात येणार असल्याचा संकल्प ग्रामस्थांनी केला आहे. अशी माहिती देवस्थान उपसमिती चे अध्यक्ष आनंदराव केसरे यांनी दिली.
गावाचे सरपंच बाळासाहेब कदम, माजी सरपंच पांडुरंग केसरे, माजी उपसरपंच भगवान कुंभार, दिलीप लुगडे, सदस्य पोपट केसरे, मंदिर व्यवस्थापन समिती चे अध्यक्ष आनंदराव केसरे, आर. डी. कदम, एन.के. पाटील, पोलीस पाटील, संजय लुगडे, सर्व देवस्थान समिती चे सदस्य, सर्व सदस्य व ग्रामस्थ मोठ्या संख्येने या पायाभरणी प्रसंगी उपस्थित होते.
गावातील महिलांनी या पायाभरणी प्रसंगी गारवा आणला. तसेच ग्रामदैवत सिद्धेश्वर देवाला अभिषेक करण्यात आला. या देवालयाचे पुजारी भागोजी गुरव, नारायण स्वामी यांनी पायाभरणी कार्यक्रमाचा विधी संपन्न केला.
याप्रसंगी सरपंच बाळासाहेब कदम यांनी ग्रामस्थांना लोकवर्गणी देण्याचे आवाहन केले. यावेळी माजी सरपंच पांडुरंग केसरे यांनी सांगितले कि, आमदार डॉ. विनय कोरे यांच्या माध्यमातून देखील देवालयासाठी निधी मिळणार असल्याचे सांगितले.
कार्यक्रमास विलास यादव, संजय चौगुले, सचिन वाकडे, भगवान कदम, बळवंत मामालेकर, नथुराम पाटील यांच्यासह ग्रामस्थ मोठ्या संख्येने उपस्थित होते.
