शिकाऱ्यांचीच झाली शिकार

मलकापूर प्रतिनिधी : मलकापूर वन परीक्षेत्रामध्ये अधिकारी व वन कर्मचारी रात्रगस्त करतेवेळी मौजे पेरीड येथील आंबे शेत याठिकाणी रानडुक्कर या वन्य प्राण्याची शिकार केली. याप्रकरणी सुनील मारुती व्हडाम, अशोक ईश्वरा पाटील, शिवाजी बाळू व्हडाम, बाजीराव बापू जाधव, संभाजी बंडू यादव, अर्जुन बाबुराव महाडिक, सचिन वसंत भोसले सर्व राहणार पेरीड येथील असून, त्यांच्यावर वन्यजीव संरक्षण अधिनियम १९७२ चे कलम २ (१), २ (६), २(३५), २ (३६),९,३९,४८ (अ),५१ नुसार वनरक्षक मलकापूर यांचेकडील वन गुन्हा क्र. WL०१/२०२६ दि.०३/०३/२०२६ ने गुन्हा नोंद करण्यात आला आहे.

यावेळी वन खात्याकडून अधिक तपास केला असता   

 उपरोक्त आरोपींकडे मृत रानडुक्कर ( धड व शीर )१, पारळी ३, विळा १, सत्तूर १, मोबाईल २,हिरोहोंडा मोटारसायकल क्र. MH 07 A 1821,   बजाज सिटी १००, असा मुद्देमाल जप्त करण्यात आला आहे.

सदर आरोपींना दि.४ /३/२०२६ रोजी मा. प्रथमवर्ग न्याय दंडाधिकारीसो शाहुवाडी मलकापूर यांच्या न्यालयात हजर केले असता, न्यायालयाने त्यांना ३ दिवसांची वन कोठडी सुनावली आहे. सदर प्रकरणात इतरही आरोपी सामील आहेत. त्या अनुषंगाने पुढील तपास मा. उपवनसंरक्षक अधिकारी श्री धैर्यशील पाटील, सहाय्यक वनसंरक्षक विलास काळे  यांच्या मार्गदर्शनाखाली वन परिक्षेत्र अधिकारी मलकापूर श्रीमती  उज्वला मगदूम, परिमंडळ वन अधिकारी  पांडुरंग चव्हाण, सदानंद जगताप, वन रक्षक आशिष पाटील, ऋषिकेश झांजर्ने, गुरुबच्चन हिप्परकर, अक्षय चौगुले, अभिजित कदम, आबासाहेब परिट,आदींसह जलद कृती दल  सदस्य सुरेश पाटील, शिवाजी पाटील, अविनाश पाटील, रोहित पाटील, तुकाराम थोरवे व वन सेवक करीत आहेत.

वन खात्याकडून नागरिकांना आवाहन करण्यात येते कि, वन गुन्हा अवैध शिकार, वणवा यांची माहिती समजताच नजीकचे वनाधिकारी यांच्याशी संपर्क साधावा. वन विभागाचा टोल फ्री क्र. १९२६ तत्काळ माहिती देवून सहकार्य करावे. असे आवाहन वन परिक्षेत्र अधिकारी मलकापूर यांनी प्रेस नोट च्या माध्यमातून केले आहे.