सभापती पदाची खुर्ची कोणाला ?
शाहुवाडी : शाहुवाडी पंचायत समिती च्या सभापती व उपसभापती यांची खुर्ची नेमकी कोणाकडे जाते, याकडे सर्व राजकीय मंडळी डोळे लावून बसली आहेत.
आज दि. १० मार्च २०२६ रोजी शाहुवाडी तालुक्यातील पंचायत समिती च्या सभापती व उपसभापती या जागांसाठी निवड करण्यात येणार आहे. दरम्यान शाहुवाडी पंचायत समिती साठी एकूण ८ उमेदवार निवडून आले असून, यामधूनच सभापती व उपसभापती निवडण्यात येणार आहे. दरम्यान या ८ पैकी ४ उमेदवार जनसुराज्य शक्ती पक्षाकडून निवडून आले आहेत. तर ४ उमेदवार माजी आमदार सत्यजित पाटील व मानसिंगराव गायकवाड या युतीचे निवडून आले आहेत.
दरम्यान सभापती पद हे महिलांसाठी राखीव आहे. परंतु दोन्ही गटाकडे महिला उमेदवार आहेत. त्यामुळे हि निवड चिठ्ठी टाकून करण्यात येणार असल्याचे समजते. दरम्यान दोन्ही गटाने समझोत्याने हि निवड प्रक्रिया पार पडली असती. पण त्यामुळे दोन्ही गटांना सभापती पद केवळ सव्वा वर्षे उपभोगायला मिळाले असते. कारण सभापती पद फक्त अडीच वर्षांसाठी राखीव आहे. त्यानंतर सभापती पदासाठी पुन्हा आरक्षण काढण्यात येणार आहे. त्यामुळे केवळ सव्वा वर्षे मिळण्यापेक्षा अडीच वर्षे मिळणे हे, कधीही उत्तम अशीच राजकीय मांडणी झाल्याचे निदर्शनास येत आहे. त्यामुळे सभापती पद हे चिठ्ठी वर निवडण्यात येणार आहे. त्यानंतर उपसभापती पद सुद्धा चिठ्ठीवर निवडण्यात येणार आहे.
त्यामुळे सभापती पदाची पहिली लॉटरी नेमकी कोणाला लागते. हे थोड्याच वेळात स्पष्ट होईल.तसेच उपसभापती पद सुद्धा चिठ्ठीवर काढण्यात येणार असल्याने बांबवडे गावाला कधीतरी संधी मिळणार का? याचे औत्सुक्य बांबवडे तसेच पंचक्रोशीला वाटू लागले आहे.
