बांबवडे च्या महात्मा गांधी विद्यालयाच्या “ समृद्धी ” चे सुयश

बांबवडे : बांबवडे तालुका शाहुवाडी येथील महात्मा गांधी माध्यमिक व उच्च माध्यमिक विद्यालय च्या विद्यार्थिनी कुमारी समृद्धी रमेश पाटील हिने रयत शिक्षण संस्थेच्या सर्व शाळांमधून एन.एम.एम. एस. परीक्षेत प्रथम क्रमांक पटकावला आहे.  यास्तव संस्थेच्या वतीने तिचा व तिच्या पालकांचा कुंभोज तालुका हातकणंगले इथे जाहीर सत्कार करण्यात आला.

समृद्धी हि ई. आठवी मध्ये शिकत आहे. तिने १७९ पैकी १७० गुण मिळवून संपूर्ण रयत शिक्षण संस्थेमध्ये प्रथम क्रमांक पटकावला आहे. यासाठी महात्मा गांधी माध्यमिक विद्यालय व उच्च माध्यमिक विद्यालय बांबवडे चे मुख्याध्यापक आर.ए. जाधव यांचे मार्गदर्शन लाभले. तसेच शाळेतील शिक्षकांचे मार्गदर्शन व शिक्षकेतर कर्मचाऱ्यांचे  सहकार्य लाभले.

कुंभोज इथे तिचा सन्मान करण्यात आला. यावेळी रयत शिक्षण संस्थेचे चेअरमन चंद्रकांत दळवी, सचिव विकास देशमुख, सह सचिव बी.एन. पवार, जनरल बॉडी सदस्या  श्रीमती सरोज पाटील (माई ), सांगली दक्षिण विभागीय चेअरमन एम.बी. शेख, विभागीय अधिकारी अशोक शिंदे, उपविभागीय अधिकारी उत्तम वाळवेकर, अँथोनी डिसोझा, आदी मान्यवरांच्या उपस्थितीत हा सन्मान सोहळा दि. १२ मार्च २०२६ रोजी संपन्न झाला.  यावेळी समृद्धी रमेश पाटील, तिचे वडील रमेश रंगराव पाटील, मुख्याध्यापक आर.ए. जाधव यांचा सन्मान करण्यात आला.

यावेळी वात्सल्य फौंडेशन च्या वतीने रोख रक्कम रु. ५०००/- व सन्मान चिन्ह देवून गौरविण्यात आले. समृद्धी च्या या यशाबद्दल तिचे सर्व शिक्षक, सेवक वृंद, तसेच गावचे सरपंच भगतसिंग चौगुले, उपसरपंच सौ मनीषा दीपक पाटील, सर्व ग्रामपंचायत सदस्य, विद्यार्थी, ग्रामस्थ यांच्यावतीने हार्दिक अभिनंदन करण्यात आले, तसेच तिच्या पुढील वाटचालीस शुभेच्छा देण्यात आल्या. याचबरोबर स्थानिक स्कूल कमिटी सदस्य, सर्व शाळा व्यवस्थापन समिती सदस्य, महात्मा गांधी माध्यमिक  व उच्च माध्यमिक विद्यालय बांबवडे चे मुख्याध्यापक आर.ए. जाधव, सर्व शाळा , शिक्षकेतर कर्मचारी वृंद, विद्यार्थी, विद्यार्थिनी यांनी सुद्धा समृद्धी ला शुभेच्छा दिल्या.