ब्रम्हाकुमारीज संस्थेच्यावतीने रक्तदान महा अभियानाचे आयोजन : १७ ते २५ ऑगस्ट

ब्रम्हाकुमारीज संस्थेच्या माजी मुख्य प्रशासक राजयोगिनी दादी प्रकाशमणी यांच्या १८ व्या पुण्यतिथी ( २५ ऑगस्ट ) व विश्वबंधुत्व दिनाच्या निमित्ताने संस्थेतर्फे भारतासह नेपाळात रक्तदान महा अभियान राबवून गिनीज बुक ऑफ वर्ल्ड रेकॉर्ड नोंदविण्यात येणार आले.या महा अभियानाचा राष्ट्रीय शुभारंभ १७ ऑगस्ट रोजी नवी दिल्ली येथे केंद्रीय आरोग्य मंत्री जे. पी. नड्डा यांच्या हस्ते होणार आहे. राष्ट्रीय शुभारंभानंतर भारत व नेपाळात रक्तदान शिबिरांना सुरुवात होईल. त्यानंतर देशभरातील सहा हजारांहून अधिक सेवा केंद्रांवर एकाच वेळी दि. , २२, २३, २४, आणि २५ ऑगस्ट रोजी विशाल रक्तदान शिबिरे आयोजित केली जाती. या अभियान अंतर्गत एक लाख युनिट रक्तदानाचा संकल्प करण्यात आला आहे.

    समाज सेवा प्रभागाचे राष्ट्रीय संयोजक बी..के. अवतार भाई यांनी सांगितले कि, ब्रह्मकुमारीज समाज सेवा प्रभागामार्फत राबविल्या जाणाऱ्या या महा अभियानासाठी भारत सरकार चे आरोग्य व कुटुंब कल्याण मंत्रालय , जिल्हा रक्तपेढी,जिल्हा सरकारी रुग्णालये, वैद्यकीय महाविद्यालय, रोटरी इंटर नॅशनल क्लब, लायन्स क्लब, आयएसबीटीआय,यांच्या सहकार्याने स्थानिक पातळीवर रक्तदान शिबिरे घेतली जातील.

    या रक्तदान महा अभियान अंतर्गत एक लाख युनिट रक्तदानाचे लक्ष्य ठेवण्यात आले आहे. या निमित्ताने ब्रम्हाकुमारीज गिनीज बुक ऑफ वर्ल्ड रेकॉर्ड मध्ये नोंद करणार आहे. हा पहिलाच प्रसंग आहे कि, एखाद्या आध्यात्मिक संस्थेमार्फत एवढ्या मोठ्या प्रमाणावर रक्तदान अभियान राबवले जात आहे. जागतिक विक्रम साठी तयारी पूर्ण झाली आहे.
समाज सेवा प्रभागाचे मुख्यालय संयोजक बी.के. वीरेंद्र भाई यांनी सांगितले कि, ज्या सेवा केंद्रांवर रक्तदान शिबिरे आयोजित केली जातील, त्यांची मॉनिटरिंग गुगल मॅप द्वारे केली जाईल. यासाठी एक गुगल फॉर्म तयार करण्यात आला आहे. ज्यामध्ये रक्तदानाचे ठिकाण,दिनांक, वेळ, गुगल मॅप रक्तदात्यांची संख्या , सेवा केंद्र प्रमुखाचे नाव, सहयोगी संस्थांची नावे आदी संपूर्ण माहिती भरली जात आहे. जेणेकरून रक्तदान महा अभियान नंतर डेटा संकलन सुलभ होईल. महाराष्ट्रातही विविध सेवा केंद्रांमार्फत भव्य रक्तदान शिबिरांचे आयोजन करण्यात आले असल्याचे डॉ. सोमनाथ वडनेरे , राज्य माध्यम समन्वयक, ब्रम्हाकुमारीज यांनी सांगितले. बांबवडे ब्रम्हाकुमारीज सेवा केंद्रामार्फत रक्तदान कार्यक्रम २४ ऑगस्ट २०२५ रोजी सकाळी ९ ते २ या वेळेत सेवा केंद्र येथे राबविण्यात येणार असल्याचे सेवाकेंद्र संचालिका संगीता दीदी यांनी सांगितले. ( ठकाण ब्रम्हाकुमारी शिवसागर बिल्डिंग मलकापूर रॉड बांबवडे )