डॉ. सुभाष पाटील “धन्वंतरी” पुरस्काराने सन्मानित
बांबवडे : बांबवडे तालुका शाहुवाडी येथील पिशवी रोड येथे असलेल्या ज्योतिर्लिंग क्लिनिक चे डॉ सुभाष पाटील यांना कोल्हापूर जिल्हा जनरल प्रॅक्टीश्नर्स असोसिएशन च्या वतीने धन्वंतरी पुरस्काराने गौरविण्यात आले. याबद्दल त्यांचे साप्ताहिक शाहुवाडी टाईम्स व एसपीएस न्यूज च्या वतीने हार्दिक अभिनंदन.
कोल्हापूर येथील फुलेवाडी च्या सभागृहात खासदार शाहू महाराज यांच्या हस्ते त्यांना हा पुरस्कार देण्यात आला. प्रती वर्षी प्रत्येक तालुक्यातून एक अशा १२ डॉक्टर्स ना धन्वंतरी पुरस्काराने गौरविण्यात येते.
बांबवडे येथील डॉ. सुभाष पाटील हे सन १९८८ पासून बांबवडे इथं रुग्णांना वैद्यकीय सेवा पुरवीत आहेत. सुमारे ४० वर्षांपासून केलेल्या सेवेला आज पुरस्काराचे फळ मिळाले आहे. डॉ. पाटील हे मितभाषी स्वभावाचे असूनदेखील पंचक्रोशीतील सामान्य जनता ४०वर्षांपासून त्यांचाकडून सेवा घेत आहेत. यामध्ये त्यांच्या सुविद्य पत्नी डॉ. अनुपमा पाटील या देखील रुग्णांना सेवा देण्याचे काम करीत आहेत. त्यांचा मुलगा सुद्धा या वैद्यकीय पेशामध्ये असून, ते सुद्धा एमबीबीएस आहेत.
या पुरस्कार प्रसंगी खासदार शाहू महाराज म्हणाले कि, ग्रामीण भागातील जनतेला सेवा पुरविणारे डॉक्टर्स कमी आहेत. त्यांच्या कोणत्याही मागण्या असतील,तर त्यांनी त्या शासन दाबरी मांडाव्यात , त्या मागण्य मान्य करून देण्याचे आम्ही निश्चित प्रयत्न करू.
या धन्वंतरी पुरस्काराने सन्मानित झाल्यानंतर बांबवडे बाजारपेठेतील अनेकांनी त्यांना प्रत्यक्षात भेटून अथवा फोन वरून त्यांचे अभिनंदन आणि कौतुक केले.
पुनश्च डॉ. सुभाष पाटील व त्यांच्या पत्नी या दोघांचेही हार्दिक अभिनंदन आणि कौतुक सुद्धा.
