भक्तिमय वातावरणात स्वामी समर्थांच्या मंदिराचा शुभारंभ
बांबवडे : स्वामी समर्थांच्या मूर्तीची प्रतिष्ठापना, परमपूज्य श्री काडसिद्धेश्वर महाराज यांच्या शुभहस्ते मंगलधाम इथं स्वामी समर्थ मंदिरात करण्यात आली. श्री स्वामी समर्थांच्या या सहवासाने पंचक्रोशीत भक्तीचा मळा फुललेला पहायला मिळाला. गोगवे पैकी ठमकेवाडी तालुका शाहुवाडी इथं स्वामी समर्थांचे मंदिर उभारण्यात आले असून, हा सोहळा सिद्धगिरी मठ कणेरी चे काडसिद्धेश्वर महाराज यांच्या शुभ हस्ते संपन्न झाला.
यावेळी होम हवन, कलश यात्रा, मूर्ती प्रतिष्ठापना यासारखे धार्मिक विधी संपन्न झाले. त्यानंतर पंचक्रोशीतील भाविकांनी मंदिराला भेट देत, महाप्रसादाचा आस्वाद घेतला. सुमारे चार एकर परिसरात उभारलेले मंदिर वातावरणात भक्तिमय तरंग निर्माण करीत होते. प्रत्येकाच्या चेहरावर समाधान दिसत होते.
याठिकाणी भजन आणि स्वामी समर्थांचा जयघोष पहायला मिळत होता. भिऊ नकोस, मी तुझ्या पाठीशी आहे. समर्थांच्या सहा शब्दांच्या एका वाक्याने निर्बल माणसाच्या अंगात बारा बैलांची ताकद येते. म्हणूनच स्वामींच्या दर्शनाची भूक सर्वसामान्य माणसाला लागते.
असा हा सोहळा भक्तिमय वातावरणात संपन्न झाला.
यावेळी मा. आमदार मानसिंगराव नाईक , डॉ.स्वाती दीपक पाटील, गोकुळ चे संचालक कर्णसिंह गायकवाड आदी मान्यवरांसह पंचक्रोशीतील भाविक या सोहळ्याला आवर्जून उपस्थित होते.
हा सोहळा श्री बाळासाहेब चौगुले, सौ. शोभाताई चौगुले, श्री अमर चौगुले, श्री अमित चौगुले, सौ स्वाती अमर चौगुले, सौ अस्मिता अमित चौगुले यांनी मोठ्या दिमाखात आणि भक्तीभावाच्या वातावरणात संपन्न केला.
