चिमुकल्यांची पंढरीची वारी सरूड मुक्कामी
बांबवडे : बी.वाय. पाटील इंग्लिश मिडीयम स्कूल सरूड च्या वतीने चिमुकल्यांची पंढरीची वारी सरूड मुक्कामी समस्त ग्रामस्थांना पहावयास मिळाली. हि वरी पाहताना प्रत्यक्ष विठू माउली या चीमुकल्या सोबत पहावयास मिळाली आणि अवघी सरूड नगरी धन्य जाहली असावी.
बी.वाय. पाटील इंग्लिश मिडीयम स्कूल सरूड च्यावतीने आषाढी एकादशी निमित्त विद्यार्थ्यांच्या सहभागातून भक्तिमय दिंडी सोहळ्याचे आयोजन करण्यात आले होते.
या दिंडी मध्ये विद्यार्थ्यांनी वारकरी वेशभूषा, संतांचे वेश, विठ्ठल-रुख्मिणी, या वेशात टाळ-मृदुंग, भगवे ध्वज, आकर्षक पालखी सादर करून, वारकरी परंपरेचे सुंदर दर्शन घडवले. विद्यार्थ्यांनी अभंग,भजन, आणि भक्तिगीतांनी वातावरण भक्तिमय केल्याचे पहावयास मिळाले. विद्यार्थ्यांमध्ये आपल्या संस्कृतीची परंपरेची आणि वारकरी संप्रदायाची ओळख निर्माण व्हावी, या उद्देशाने या कार्यक्रमाचे आयोजन करण्यात आले होते.
या कार्यक्रमाचे आयोजन स्कूल च्या मुख्याध्यापिका संस्कृती पाटील आणि शिक्षक वृंद यांनी केले होते. यावेळी शाळेचे पदाधिकारी, शिक्षक वृंद, पालक, विद्यार्थी मोठ्या संख्येने उपस्थित होते. पदाधिकाऱ्यांनी विद्यार्थ्यांचे कौतुक केले. कार्यक्रम यशस्वी करण्यासाठी सर्व शिक्षक वृंद शिक्षकेतर कर्मचारी आणि विद्यार्थी यांनी परिश्रम घेतले.
