जोतीबा परिसरात बृहन्मुंबई महानगरपालिका घन कचरा व्यवस्थापन खाते ( मुंबई ) यांच्या संयुक्त विद्यमाने स्वच्छता मोहीम संपन्न
बांबवडे : श्री क्षेत्र जोतीबा डोंगर येथील यात्रा नुकतीच संपन्न झाली. त्या अनुषंगाने झालेल्या घन कचऱ्याची स्वच्छता करण्यासाठी बृहन्मुंबई महानगरपालिका घन कचरा व्यवस्थापन खाते ( मुंबई ) यांच्या संयुक्त विद्यमाने जोतीबा डोंगर परिसरातील स्वच्छता करण्यात आली. याचे नेतृत्व सावर्डे तालुका शाहुवाडी येथील श्री यशवंत पाटील यांनी केले.
दख्खनचा राजा जोतीबा वाडी रत्नागिरी तालुका पन्हाळा यांची यात्रा संपन्न झाली. यामुळे इथं गुलालासह कचरा मोठ्या प्रमाणात प्रती वर्षी होत असतो. श्री यशवंत पाटील हे शाहुवाडी तालुक्यातील एक समाजकार्य करणारे चांगले व्यक्तिमत्व आहे. या वर्षी श्री पाटील यांनी त्यांचे सहकारी कर्मचारी व बृहन्मुंबई महानगरपालिका घन कचरा व्यवस्थापन खाते ( मुंबई ) यांच्या संयुक्त विद्यमाने जोतीबा डोंगर परिसरातील स्वच्छता करण्याचे ठरवले. आणि त्यांनी स्वच्छतेचे कार्य संपन्न केले.
हि सुद्धा केलेली एक प्रकारची भक्तीच आहे. देवाच्या दारातील स्वच्छता प्रत्येक सामाजिक कार्य करणाऱ्या संस्थेने केल्यास स्वच्छतेच्या माध्यमातून एक प्रकारची भक्तीच जोतिबाच्या चरणी समर्पित होईल. असे आवाहन श्री यशवंत पाटील यांनी केले.
