कडवे च्या मातीला देश विदेशातील मल्लांचा रंग लाभणार

बांबवडे : शाहुवाडी तालुक्यातील कडवे, हे गाव कुस्ती परंपरेने नटलेले गाव आहे. दि. २२मे २०२६ रोजी कडवे येथील विठलाई देवी च्या यात्रेनिमित्त  भव्य कुस्तीचा आखाडा रंगणार आहे. इथं देश विदेशातील मल्ल आपले बळ आजमावण्यासाठी येणार आहेत. तेंव्हा कुस्ती शौकिनांना हि एक मेजवानी ठरणार आहे. यासाठी शाहुवाडी पंचायत समितीचे माजी सभापती श्री विजयराव खोत यांनी कुस्ती पाहण्यासाठी येण्याचे आवाहन तालुका वासियांना केले आहे.

ग्रामपंचायत कडवे, यात्रा कमिटी, मुंबईस्थित ग्रामस्थांच्या वतीने  या जंगी कुस्ती मैदानाचे आयोजन करण्यात आले आहे. यंदाचे कुस्ती मैदान आशिया खंडातील वजनी गटात कुस्ती शौकिनांचा  बादशहा पैलवान देवा थापा नेपाळ विरुद्ध पवन बंगुर हरियाना असा रंगणार आहे.

डबल महाराष्ट्र केसरी पैलवान हर्षवर्धन सदगीर विरुद्ध पंजाब केसरी पैलवान गोगी यांच्यामध्ये एक नंबर ची कुस्ती रंगणार आहे. दोन नंबर मध्ये महाराष्ट्र चँपीयन पैलवान धनाजी कोळी विरुद्ध कर्नाटक केसरी पैलवान कमलेश पाटील यांच्यामध्ये रंगणार आहे. तिसरी कुस्ती पैलवान राहुल  सुळे विरुद्ध  महाराष्ट्र चँपीयन पैलवान

सतीश मुंडे यांच्यामध्ये होणार आहे. चौथी कुस्ती कुमार पाटील शित्तूर मोतीबाग तालीम विरुद्ध पृथ्वीराज पाटील पुणे यांच्यामध्ये होणार आहे. पाचवी कुस्ती सुरज पाटील शित्तूर विरुद्ध  गणेश चौगुले असा होणार आहे.

संपूर्ण तालुक्यात कडवे गावच्या मातील कुस्तीचं लेणं लाभलं आहे. जुन्या काळापासून या मातीच्या आखाड्यात अनेक मल्लांनी आपलं बळ मिळवलं आहे.

गावचे ग्रामदैवत असलेल्या विठलाई देवीच्या साक्षीने हे पारंपारिक खेळ टिकून आहेत.

यात्रा कमिटी कडवेकर ग्रामस्थांनी सर्व भाविक, कुस्तीप्रेमी शौकिनांना उपस्थित राहण्याचे आवाहन केले आहे.