बांबवडे महादेव मंदिर इथं दीपस्तंभाचे भूमिपूजन संपन्न
बांबवडे : बांबवडे तालुका येथील महादेव मंदिरात दीपोत्सवाचा दीपस्तंभ उभारण्याचे भूमिपूजन आज संपन्न झाले. हे भूमिपूजन लोकनियुक्त सरपंच भगतसिंग चौगुले यांच्या हस्ते संपन्न झाले.
बांबवडे गावाचे ग्रामदैवत श्री महादेव आहे. गावात लोक प्रतिनिधींसह ग्रामस्थांकडून लोक वर्गणी गोळा करण्यात आली. त्यातून गावाच्या मध्यस्थानी महादेवाचे मंदिर भव्य स्वरुपात साकार झाले. असे म्हणतात कि, मंदिराचा कळस आणि मंदिरासमोर दिव्यांचा दीपस्तंभ असल्याशिवाय मंदिर पूर्णपणे साकार होत नाही. म्हणूनच मंदिरासमोर दीपमाला लावण्यासाठी दीपस्तंभ उभा करण्याचा निर्णय घेण्यात आला. आणि सदर च्या दीपस्तंभाचे भूमिपूजन संपन्न झाले.
यावेळी शाहुवाडी पंचायत समितीचे विरोधी गट नेते अभयसिंह चौगुले यांच्यासह ग्रामस्थ मोठ्या संख्येने यावेळी उपस्थित होते.
दरम्यान गावातील विकास काम म्हणून स्मशान भूमिजवळ पाण्याची वाणवा ग्रामस्थांना भासत होती. म्हणून सरपंच, उपसरपंच, आणि सर्व सदस्य मंडळ यांनी स्मशान भूमी जवळ पाण्यासाठी बोअर मारण्यात आली. कारण स्मशान भूमी च्या विधींमध्ये भडाग्नी देणाऱ्या व्यक्तीला आंघोळ करावी लागते. त्यासाठी पाणी उपलब्ध होत नाही. यासाठी हा बोअर चा संकल्प करण्यात आला. आणि अखेर ग्रामपंचायत बांबवडे ने स्मशानभूमी लगतच बोअर मारण्यात आली. तसेच गावच्या पाझर तलावाजवळ गाव विहीर आहे. त्याठिकाणी सुद्धा नवीन बोअर मारण्यात आली आहे.
हा सुद्धा गावाच्या विकासाचा भाग आहे. लवकरच दिपोत्सवासाठी दीपस्तंभ साकारला जाईल.
