सार्व.बांधकामचे वनमोरे याला ३८ हजारांची लाच घेताना अटक
बांबवडे : मलकापूर तालुका शाहुवाडी इथं लाचलुचपत प्रतिबंधक विभागाच्या वतीने सार्वजनिक बांधकाम विभाग कार्यालयावर छापा टाकला आहे. या छाप्यात येथील शाखा अभियंता विजयकुमार विलास वनमोरे वय ५० वर्षे याला ३८ हजार रुपयांची लाच घेताना अटक करण्यात आली आहे. अशी माहिती लाचलुचपत प्रतिबंधक विभागाकडून मिळाली आहे.
सदर ची घटना आज दि.१ जुलै२०२६ रोजी सायंकाळी सहा वाजण्याच्या दरम्यान घडली आहे.
याबाबत लाचलुचपत विभागाकडून मिळालेली अधिक माहिती अशी कि, श्री कृष्णा पाटील यांनी मूळ ठेकेदाराकडून सब ठेका घेवून काम घेतले होते. शिराळे वारुण च्या ब्रिज चे काम, तसेच कर्नाळवाडी धनगरवाडा ते सोनारवाडी विरळे या रस्त्याचे काम घेतले होते.वनमोरे यांनी या दोन्ही कामांची बिले मंजूर करून देतो, असे सांगून ३८ हजार रुपयांची लाच मागितली होती. त्या अनुषंगाने सापळा रचून वनमोरे याला लाच घेताना रंगेहाथ अटक केली.
सदर च्या कारवाई मध्ये पोलीस अधीक्षक लाचलुचपत प्रतिबंधक विभाग श्री शिरीष सरदेशपांडे,पोलीस उपअधीक्षक वैष्णवी पाटील,स.पो.उपनिरीक्षक प्रकाश भंडारे, पो.हे.कॉ. विकास माने, संदीप काशीद, पो.ना. सचिन पाटील, उदय पाटील, प्रशांत दावणे सर्व अधिकारी कर्मचारी कोल्हापूर सहभागी झाले होते.
