दुचाकी-एसटी च्या अपघातात एक ठार तर तीन जखमी

बांबवडे : कोल्हापूर रत्नागिरी रोड वर बांबवडे तालुका शाहुवाडी येथील उदय साखर कारखाना फाट्याच्या पुढील वळणावर दुचाकी आणि शिवाई एसटी च्या समोरासमोर झालेल्या अपघातात एक ठार तर तिघेजण जखमी झाले आहेत. अपघातग्रस्तांना पुढील उपचारासाठी कोल्हापूर इथं पाठविण्यात आले आहे.

याबाबत मिळालेल्या माहितीनुसार शाहुवाडी तहसील कार्यालयातील महसूल सहाय्यक कर्मचारी मारुती विठ्ठल मकर हे आपल्या कुटुंबासहित बांबवडे इथं शाहुवाडी हून दुचाकी क्र. एम.एच.०९ -एफ यु- ५०४६ वरून निघाले होते. दरम्यान कोल्हापूर हून रत्नागिरी कडे निघालेली शिवाई एसटी  बस क्र. एम. एच. १२- झेड ई –९४३५ यांचा  बांबवडे येथील उदय साखर कारखाना फाट्याच्या च्या पुढील मोहरीवर समोरासमोर अपघात झाला. यामधील दुचाकीचालक मारुती मकर वय ३६ वर्षे यांचा मृत्यू झाला आहे. तसेच त्यांची पत्नी व दीड वर्षांचा मुलगा समर्थ हे दोघे जखमी झाले आहेत,तर मुलगी सई वय ४ वर्षे हिच्या डोक्याला गंभीर मार लागला आहे. यांना पुढील उपचारासाठी कोल्हापूर येथे पाठविण्यात आले आहे. मारुती मकर हे मुळचे सोलापूर जिल्ह्यातील होते. त्यांची काहीच दिवसात त्यांच्या जिल्ह्यातील माळशिरस येथे बदली होणार होती. त्यामुळे ते आनंदात होते. आपल्या जिल्ह्यात आपण जाणार याचा त्यांना आनंद होता. परंतु तो आनंद फार काळ टिकला नाही. आणि त्यांचे अपघाती निधन झाले. या घटनेने शाहुवाडी तहसील कार्यालयावर शोककळा  पसरली आहे.

ईश्वर त्यांच्या आत्म्यास शांती देवो.  साप्ताहिक शाहुवाडी टाईम्स व एसपीएस न्यूज परिवाराच्या वतीने त्यांना भावपूर्ण श्रद्धांजली.