किल्ले विशाळगड इथं महाराजांचा राज्याभिषेक सोहळा

बांबवडे : छत्रपती शिवाजी महाराज यांच्या तिथीनुसार राज्याभिषेक सोहळ्यानिमित्त महाराजांना साप्ताहिक शाहुवाडी टाईम्स, एसपीएस न्यूज परिवाराच्या वतीने मानाचा मुजरा….

शाहुवाडी तालुक्यातील सकल हिंदू समाजाच्या वतीने किल्ले विशाळगड इथ शिवराज्याभिषेक सोहळा आज साजरा करण्यात येत आहे. यावेळी मर्दानी खेळ, प्रतिमा पूजन, दुग्धाभिषेक यासारखे विधी गडावर संपन्न होणार आहेत. तिथीनुसार साजरा करण्यात येणारा हा सोहळा मराठी माणसाच्या मनाला इतिहासाची जाणीव करून देणारा ठरणार आहे. यासाठी हजारो तरुण किल्ले विशाळगड येथे दाखल झाले आहेत. यानिमित्त पोलीस प्रशासनाचा कडक बंदोबस्त ठेवण्यात आला आहे. शेकडो पोलीस कर्मचारी व अधिकारी देखील शाहुवाडीत ठाण मांडून आहेत. महाराजांच्या या राज्याभिषेक सोहळ्यास पुनश्च मानाचा मुजरा…