शाहुवाडी तालुक्यात मोसमी पावसाची हजेरी
बांबवडे : शाहुवाडी तालुक्यात मोसमी पावसाची दमदार हजेरी लागली आहे. त्यामुळे उन्हाने तापलेली धरती काही अंशी का होईना, थंडावली आहे.
पावसाच्या ओढीने इथली जनता त्रासली होती. अनेक ओढे नाले, पाझर तलाव कोरडे पडले होते. त्यामुळे नागरीकांसाहित गायी म्हैशी, तसेच शेळ्या मेंढ्या सारखी पाळीव जनावरे सुद्धा पावसाची आतुरतेने वाट पाहत होती. काल सुरु झालेल्या पावसाने शेतकरी देखील सुखावला आहे. काही दिवसांपूर्वी केलेली भात पेरणी आता उगवली जाईल. तसेच रताळी लावण पावसा अभावी थांबली होती. त्या लावणीला सुद्धा सुरुवात झाली आहे.
पावसा अभावी विहिरींनी तळ गाठला होता. परंतु काल च्या पावसाने मात्र बऱ्यापैकी समाधान झाले आहे. भविष्यात हा पाऊस सर्व नद्या ओढे विहिरींना पूर्णत्वाची जाणीव करून दिल्याशिवाय राहणार नाही.
