कोल्हापूर सायबर पोलिसांची यशस्वी कामगिरी
बांबवडे : युनिटी मोटर्स कंपनी च्या बँक खात्यातून २ कोटी ३६ लाख रुपयांची फसवणूक करण्यात आली होती. या प्रकरणी सायबर खात्याकडून संबंधित आरोपींच्या मुसक्या आवळण्यात आल्या आहेत. अशी माहिती पोलीस अधीक्षक निलोत्पल बसू यांनी पत्रकार परिषदेच्या माध्यमातून दिली आहे.
या प्रकरणी शाहुवाडी तालुक्याचे सुपुत्र पोलीस निरीक्षक संजय हारुगडे यांनी मोलाची कामगिरी बजावली आहे.
याबाबत सविस्तर हकीकत अशी कि, कोल्हापूर येथील गोकुळ शिरगाव एम.आय.डी.सी. मधील युनिटी मोटर्स कंपनीच्या बँक खात्यामधून २ कोटी ३६ लाख रुपयांची फसवणूक आंतरराज्य टोळीकडून करण्यात आली. यापैकी पाच जणांना कोल्हापूर पोलिसांच्या सायबर विभागाने अटक केली आहे.
या टोळीकडून ८२ लाख रुपये गोठवण्यात पोलिसांना यश आले आहे. सदर घटनेचा गुन्हा गोकुळ शिरगाव पोलीस ठाण्यात दाखल झाला होता.दरम्यान सदर ची फसवणूक गुजरात इथल्या बॉस स्कॅम मधील लोकांनी केल्याचे निष्पन्न झाले आहे. त्यानुसार सायबर पोलिसांनी गुजरात मधल्या अहमदाबाद इथल्या राजेश उर्फ डी के गिरधारीलाल गुरनानी या सूत्रधारासह भावीन हर्षदभाई खंडेरा, देव परेश्भाई त्रिवेदी, जतीन अशोककुमार पाल, आणि अर्पित रामकुमार पांडे या पाच जणांना अटक करण्यात आली आहे. अशी माहिती देखील पोलीस अधीक्षक निलोत्पल बसू यांनी पत्रकार परिषदेत दिली.
