सोनम वांगचुक यांच्यासाठी शाहुवाडी त एल्गार
बांबवडे : शाहुवाडी तालुक्यातून सोनम वांगचुक यांना पाठींबा दर्शविण्यासाठी व त्यांचे उपोषणाचे आंदोलन दडपण्याचा प्रयत्न करणाऱ्या शासनाच्या निषेधासाठी स्वाभिमानी पँथर्स प्रतिष्ठान च्या वतीने आंदोलनाची साद घालण्यात आली होती, त्या अनुषंगाने तालुक्यातील पुरोगामी व समविचारी पक्ष व संघटनांनी एकत्र येत शाहुवाडी तहसील कार्यालयाबाहेर एल्गार पुकारला. त्या अनुषंगाने या आंदोलनाला बहुसंख्य कार्यकर्ते उपस्थित होते.
यावेळी स्वाभिमानी पँथर्स चे प्रकाश कांबळे म्हणाले कि, सदर च्या आंदोलनाची दाखल केंद्र सरकारला घ्यावीच लागणार आहे. अन्यथा पुढील काळात हे आंदोलन अधिक तीव्र करण्यात येईल. शासनाने घेतलेली दडपशाही ची भूमिका लोकशाहीला घातक आहे.
यावेळी शेकाप चे भाई भारत पाटील म्हणाले कि, जनतेच रोष वाढत चालला आहे. सत्ताधाऱ्यांनी शहाणं व्हावं,अन्यथा देशभर उद्रेक झाल्याशिवाय राहणार नाही.
यावेळी शिवसेना उद्धव ठाकरे गटाच्या वतीने श्री दत्ता पोवार म्हणाले कि, शिवसेना देखील या आंदोलनाला पाठींबा दर्शवित आहे.तसेच भविष्यात हा लढा अधिक तीव्र करण्यात येईल. यावेळी भारतीय दलित महासंघाच्या वतीने अनिरुद्ध कांबळे म्हणाले कि, केंद्र शासन लोकशाही संपविण्याच्या मार्गावर आहे. परंतु असे केल्यास जनता त्यांनाच कधी संपवेल,हे कळणार नाही. यावेळी स्वाभिमानी शेतकरी संघटनेच्या वतीने सुरेश म्हाऊटकर म्हणाले कि, सत्ताधार्यांनी जनतेचा उद्रेक लक्षात घ्यावा, अन्यथा हि जनता तख्त कधी पलटवेल, हे कळणार सुद्धा नाही.
यावेळी धर्मेंद्र प्रधान यांचा राजीनामा मागणे योग्य नाही, असे म्हणणाऱ्या श्री हसन मुश्रीफ यांचा देखील यावेळी निषेध करण्यात आला. यावेळी प्रत्येक आंदोलकाने मी सोनम वांगचुक नावाचे बिल्ले लावले होते.
यावेळी राजाराम मगदूम, अभिजित पाटील, बाबा पाटील, हनुमंत कवाळे, प्रवीण कांबळे, भैय्या थोरात,आदी मान्यवरांनी मनोगते व्यक्त केलीत.
यावेळी मलकापूर नगरपरिषद च्या नगरसेविका पल्लवी पवार, स्नेह बेर्डे, अनिल कांबळे, बाबासो कांबळे, सचिन कांबळे, योगेश कुलकर्णी, बाबुराव चांदणे, संजय केळुस्कर, सर्जेराव गुरव, दयानंद कांबळे, आनंद जाधव, विलास कांबळे, दिनकर कुंभार, शौकत हवालदार , विजय कांबळे, वसंत पाटील किरण कांबळे, शिवाजी मोरे, सिकंदर जमादार, रवींद्र खुटाळे, कुमार सोने, आणि असंख्य कार्यकर्ते यावेळी उपस्थित होते.
