चरण चे काळू पाटील यांचे रामेश्वरम मध्ये निधन
बांबवडे : चरण तालुका शाहुवाडी येथील दिलीप सदाशिव पाटील उर्फ काळू पाटील वय ५२ वर्षे यांचे हृदय विकाराच्या धक्क्याने रामेश्वरम इथं आज दि.२३ /०८/२०२६ रोजी निधन झाले.
काळू पाटील यांच्यासह चरण येथील आणखी दोन कुटुंब दक्षिण भारत इथं देवदर्शनासाठी गेले होते. कन्याकुमारी रामेश्वरम येथील धार्मिक स्थळांना भेटी देवून रविवार दि. २३/८/२०२६ रोजी तिरुपती येथे जाणार होते. रामेश्वरम येथे हि सर्व मंडळी लॉज वर थांबली होती. रविवारी पहाटे त्यांना अस्वस्थ वाटू लागले,व त्यांच्या छातीत दुखू लागले. त्यांना सोबतच्या मंडळींनी हॉस्पिटल मध्ये नेण्याचा प्रयत्न केला. परंतु हॉस्पिटल मध्ये जातानाच वाटेतच त्यांची प्राणज्योत मालवली.
सोमवार दि.२४/०८/२०२६ रोजी सकाळी ९ वाजण्याच्या दरम्यान त्यांचे पार्थिव चरण येथे आणण्यात येणार आहे.
काळू पाटील हे जनसुराज्य शक्ती पक्षाचे सक्रीय कार्यकर्ते होते. त्यांच्या जाण्याने सामाजिक व राजकीय पोकळी निर्माण झाली आहे.
त्यांच्या पश्चात पत्नी, एक मुलगा, एक मुलगी, एक भाऊ असा परिवार आहे.
