बांबवडे तील सराफ गल्लीतील तीन दुकाने फोडली
बांबवडे : बांबवडे तालुका शाहुवाडी येथील सोनार पेठेत दुकानाचे चे शटर कटावणी च्या सहाय्याने उचकटून सुमारे १ लाख दहा हजार रुपयांचा ऐवज चोरून नेल्याची घटना उघडकीस आली.
याबाबत पोलीस सूत्रांकडून मिळालेल्या माहितीनुसार बांबवडे येथील तीन सोन्याच्या दुकानात चोरी झाली आहे. हि चोरी २९/४/२०२६ रोजी पहाटे ३ ते ४ वाजण्याच्या दरम्यान घडली असल्याचे समजते. यामध्ये गणेश ज्वेलर्स यांचे पन्नास हजार रुपयांचे चांदीचे पैजण तसेच पाच हजार रुपयांचा सीसीटीव्ही कॅमेरा चा डी.व्ही.आर.चोरीस गेला आहे.
तसेच रत्नाई ज्वेलर्स यांचे अंदाजे पन्नास हजार रुपयांचे सोन्याचे मुगुट व सीसीटीव्ही कॅमेरा चा डी.व्ही.आर. चोरीस गेला आहे. या दुकानाचे मालक निवास गिरी आहेत. तसेच राधाकृष्ण ज्वेलर्स यांचे देखील शटर उचकटण्यात आले, आणि चोरीचा प्रयत्न करण्यात आला आहे.
सदर घटनेची फिर्याद दीपक आनंदा यादव वय ३८ वर्षे यांनी शाहुवाडी पोलीस ठाण्यात केली आहे.
याबाबत शाहुवाडी पोलीस ठाण्याचे पोलीस निरीक्षक श्री राजेंद्र सावंत्रे यांनी चोरी करण्यासाठी वापरलेली इको गाडी पकडली आहे.
याबाबत अधिक तपास श्री राजेंद्र सावंत्रे यांच्या मार्गदर्शनाखाली पोलीस उपनिरीक्षक परशुराम शिरसाठ करीत आहेत.
