बांबवडे सराफ दुकानातील चोऱ्या पोलिसांसाठी नामुष्की
बांबवडे : बांबवडे तालुका शाहुवाडी इथं झालेल्या सोनार दुकानातील चोऱ्या, ह्या बांबवडे पोलीस ठाण्याच्या मागील गल्लीत झाल्या आहेत. बांबवडे पोलीस ठाण्यापासून हाकेच्या अंतरावर झाल्या आहेत. हेच मोठे दु:ख आहे.
हि घटना अनेक सीसीटीव्ही कॅमेऱ्यात कैद झाल्या आहेत का ? त्याच अनुषंगाने तपास सुरु करण्यात आला आहे. ठसे तज्ञांचे पथक देखील घटनास्थळी येवून गेले.
दरम्यान चोरीच्या घटनेत वापरलेले चार चाकी वाहन देखील शाहुवाडी पोलिसांनी पकडले. परंतु चोर मात्र हातावर तुरी देवून पसार झाले. सदर च्या घटनेमुळे बांबवडे पोलिसांना मात्र डाग लागला आहे. कारण चौकीच्या मागच्याच गल्लीत जर अशी घटना घडत असेल, तर इतर ठिकाणाचे काय? असा प्रश्न जनतेतून विचारला जात आहे. अनेक मोक्याच्या ठिकाणी सीसीटीव्ही कॅमेरा बसविण्यात आले आहेत. परंतु कर्तव्यावर असलेल्या पोलिसांनी वेळीच बघितले असते, तर कदाचित चोर पकडण्यात यश आले असते. परंतु तसे घडताना मात्र दिसत नाही.
बांबवडे हि एक तालुक्यातील मोठी बाजारपेठ आहे. इथं कोटींच्या घरात आर्थिक उलाढाल होत असते. त्यामुळे हि घटना म्हणजे येथील पोलीस खात्यासाठी नामुष्कीचे ठरत आहे.
दरम्यान राजेंद्र सावंत्रे हे एक जबाबदार अधिकारी आहेत. त्यांचा मागील रेकॉर्ड चांगला आहे. तरीसुद्धा या घटनेकडे पाहताना कुठे ढिलाई होते, हे पाहणे त्यांची जबाबदारी ठरत आहे.
