मुरूम उत्खनन ठेकेदार व तहसीलदार कार्यालय यांच्या संगनमताने- जिल्हाधिकाऱ्यांना निवेदन
बांबवडे : शाहुवाडी तालुक्यातील रत्नागिरी-नागपूर हायवे नजीकच्या गावातून तसेच देवस्थान जमिनीतून बेकायदेशीर रीत्त्या मुरूम उत्खनन होत असल्याचे लेखी निवेदन श्री नारायण बसरे यांनी जिल्हाधिकारी कार्यालयाकडे दिले आहे.
शाहुवाडी तालुक्यातून रत्नागिरी – नागपूर हायवे जात आहे. या हायवे बांधकामासाठी लागणारा मुरूम बेकायदेशीर रीत्त्या तहसीलदार कार्यालय आणि ठेकेदार यांनी संगनमताने बेकायदेशीर पणे उत्खनन सुरु ठेवले आहे.
याबाबत सविस्तर हकीकत अशी कि, येलूर तालुका शाहुवाडी येथील गट क्र. ४९६ मधून मुरूम उत्खनन बेकायदेशीरपणे केले जात आहे. या माध्यमातून राज्य शासनाचा लाखो रुपयांचा महसूल ठेकेदार बुडवीत आहे. याबाबत तहसीलदार यांच्याकडे तक्रार करूनही कोणतीही कारवाई केली जात नाही. असे श्री नारायण बसरे यांचे म्हणणे आहे. चनवाड लगत च्या गावांमधून देखील मालकी, देवस्थान, गायरान जमिनीतून हायवा डम्पर मुरूम बेकायदेशीर रीत्या नेत आहेत. यातून शासनाचे प्रचंड नुकसान होत असून देखील तहसीलदार कार्यालय प्रत्यक्ष पाहणी करून सुद्धा कारवाई करीत नाही. हि बाब आश्चर्यजनक आहे. यासाठी हे निवेदन जिल्हाधिकारी यांना श्री बसरे यांनी दिले असून त्यांच्याकडून कारवाई ची अपेक्षा केली आहे. केवळ ठेकेदार नव्हे तर त्यांना सहकार्य करणारे शासकीय बाबुंवर सुद्धा कारवाई व्हावी, अशी त्यांची अपेक्षा आहे.
