यशवंत स्कूल चे तीन विद्यार्थी राज्यात चमकले
बांबवडे : यशवंत इंटरनॅशनल इंग्लिश अकॅडमी अँड प्रदीप पाटील ज्युनिअर कॉलेज डोणोली तालुका शाहुवाडी चा चे राज्यस्तरीय इंग्लिश ग्रामर परीक्षा २०२६ चा निकाल शंभर टक्के लागला आहे. यशस्वी विद्यार्थ्यांचे संस्थेच्या वतीने अभिनंदन करण्यात आले आहे. साप्ताहिक शाहुवाडी टाईम्स व एसपीएस न्यूज परिवाराच्या वतीने देखील हार्दिक अभिनंदन करण्यात आले आहे.
यशवंत स्कूल चे विराज रसाळ राज्यात बी ग्रुप मध्ये दुसरा, स्वरा खोत सी ग्रुप मध्ये राज्यात दुसरी, व शांभवी काळे सी ग्रुप मध्ये राज्यात तिसरी आली आहे.
महाराष्ट्र मुंबई परीक्षा मंडळ, मुंबई, आयोजित इंग्लिश ग्रामर परीक्षा २०२६ मध्ये या स्कूल चे इयत्ता ४ थी चा विद्यार्थी विराज विकास रसाळ, हा राज्यात दुसरा आला आहे. व सी ग्रुप मध्ये सातवी ची विद्यार्थिनी स्वरा शिवाजी खोत दुसरी तर इयत्ता पाचवी ची विद्यार्थिनी शांभवी श्रीकांत काळे हि राज्यात तिसरी आली आहे. यामुळे संस्थेच्या शिरपेचात आणखी एक मानाचा तुरा रोवला गेला आहे.
श्री यशवंत शिक्षण प्रसारक मंडळ कोडोली संचालित यशवंत इंटरनॅशनल इंग्लिश अकॅडमी अँड प्रदीप पाटील ज्युनिअर कॉलेज डोणोली, तालुका शाहुवाडी चे २७ विद्यार्थी राज्यस्तरीय ग्रामर इंग्लिश ग्रामर परीक्षेमध्ये सहभागी झाले होते. या परीक्षेत शाळेचे सर्वच विद्यार्थी डीस्टींक्शन मार्क्स घेवून उत्तीर्ण झाले आहेत.
विद्यार्थ्यांच्या या यशामध्ये त्यांना शिकवणाऱ्या गुरुवर्यांचा मोलाचा वाटा आहे. यामध्ये वैष्णवी यादव, अरविंद पाटील या शिक्षकांचा प्रामुख्याने सहभाग आहे. यांचे विद्यार्थ्यांना मार्गदर्शन लाभले.
विद्यार्थ्यांच्या या यशाबद्दल संस्थेचे सचिव डॉ. जयंत पाटील, विश्वस्त सौ. विनिता पाटील, अध्यक्षा श्रीमती पद्मजा पाटील, व प्राचार्य श्री सचिन जद सर यांच्याकडून विद्यार्थ्यांवर शुभेच्छांचा वर्षाव केला जात आहे. तसेच स्कूल चे शिक्षक वृंद, शिक्षकेतर कर्मचारी वृंद व पालक वर्ग यांच्याकडून देखील विद्यार्थ्यांना शुभेच्छा देण्यात येत आहेत.
