रणवीरसिंग गायकवाड यांचा कार्यकर्ता कॉंग्रेस च्या वाटेवर ?
बांबवडे : रणवीरसिंग गायकवाड यांचे कट्टर समर्थक मानले जाणारे संतोष पाटील बांबवडे हे कॉंग्रेस समर्थक होत असून, यामुळे शाहुवाडी तालुक्यातून नवी समीकरणे जुळण्याचे संकेत मिळत आहेत.
संतोष पाटील हे युवा वर्गात असून त्यांच्यासोबत अनेक मंडळी यांचा कॉंग्रेस प्रवेश भविष्यात होण्याच्या मार्गावर आहे. या गोष्टींमुळे त्यांचे नेते रणवीरसिंग गायकवाड नाराज होतात,कि, हि भविष्यातील नवी खेळी असू शकते ? हा प्रश्न आहे.
कॉंग्रेस चे समर्थक असलेले कर्णसिंह यांनी कॉंग्रेस पक्षाला राम राम ठोकल्याने शाहुवाडी तालुक्यातील कॉंग्रेस पक्षात मोठी पोकळी निर्माण झाली आहे. या अनुषंगाने संतोष पाटील यांनी राहुल गांधींना समर्थन देण्याचे बॅनर तालुक्यात लागले आहेत. त्यामुळे हि कॉंग्रेस प्रवेशाची नांदी ठरणार का ? असा देखील प्रश्न सर्व सामान्य जनतेतून विचारला जावू लागला आहे. आपल्या कार्यकर्त्यांच्या या घटनेला रणवीरसिंग गायकवाड यांचे समर्थन आहे का ? हे पाहावे लागणार आहे. दरम्यान शाहुवाडी तालुक्यातील कॉंग्रेस असो, अथवा राष्ट्रवादी कॉंग्रेस असो,हे दोन्ही पक्ष गायकवाड घराण्यात विभागले गेले आहे. तालुक्यातील राजकारण हे पक्षावर कमी, आणि गटावर अधिक वाटचाल करीत असल्याचे फार पूर्वीपासून सुरु आहे.
या सर्व घटनांमुळे भविष्यात कॉंग्रेस पक्ष रणवीरसिंग यांना मोठ्या पदावर घेवून कॉंग्रेस पक्षाकडे आकर्षित करू शकतो. काही गोष्टी भविष्यावर अवलंबून आहेत. परंतु भविष्यात जर हे घराणे कॉंग्रेस वासी होवू शकते. कारण एकेकाळी राजकीय धुरंदर असलेले स्व. माजी खासदार उदयसिंगराव गायकवाड यांनी शेकाप च्या नंतर कॉंग्रेस ला पश्चिम महाराष्ट्रात पुढे आणण्यचे काम केले होते. कदाचित त्याच गोष्टींची पुनारावूत्ती त्यांचे नातू रणवीरसिंग गायकवाड का करणार नाहीत, हि गोष्ट सुद्धा तितकीच महत्वाची आहे.
