शाहुवाडी जि.प शाळेच्या शिक्षकांचे अनमोल प्रयत्न
बांबवडे : एकीकडे शाहुवाडी तालुक्यातील जिल्हा परिषदेच्या शाळेतील विद्यार्थ्यांची संख्या दिवसेंदिवस कमी होत असताना, शाहुवाडी केंद्रीय प्राथमिक शाळा, तालुका शाहुवाडी येथील शिक्षकांनी विद्यार्थ्यांकडे जाणीवपूर्वक लक्ष दिल्यामुळे कमी बोलत असलेल्या रणवीर च्या शैक्षणिक प्रगतीमध्ये लक्षणीय बदल झाल्याचे पाहायला मिळत आहे. यास्तव शाळेतील रणवीर चे वडील शिक्षकांचे आनंदराव कामत यांनी आभार मानले.
याबाबत सविस्तर हकीकत अशी कि, आनंदराव कामत यांचा मुलगा पहिली च्या वर्गात शिकत होता. सुरुवातील त्याला बोलता येत नव्हते. त्याच्यावर वैद्यकीय उपचार सुरु होते. त्यामुळे तो गप्प गप्प असायचा. परंतु त्याला शाहुवाडी च्या केंद्रीय प्राथमिक विद्यामंदिर मध्ये दाखल केले. तेथील शिक्षिका श्रीमती दिपाली मोरे यांनी त्याच्यावर अधिक लक्ष दिले. त्याची संकोची वृत्ती दूर करण्यासाठी विशेष प्रयत्न केले. त्यामुळे आज तो व्यवस्थित आहे. वैद्यकीय उपचार आणि त्याच्यावर शाळेत झालेले योग्य संस्कार आणि शैक्षणिक प्रयत्न , यामुळे आज रणवीर आनंदराव कामात बऱ्यापैकी बोलू लागला असून, शैक्षणिक वर्गात उत्तीर्ण देखील झाला आहे. वाचन लेखन यामध्ये त्याची प्रगती झाली आहे. यामुळे त्याच्या पालकांमधून समाधान व्यक्त करण्यात येत आहे.
यावेळी शाळा व्यवस्थापन समिती अध्यक्ष श्री सचिन सातोसे आणि सर्व सदस्य, मुख्याध्यापक श्री शिवाजी रोडे-पाटील, तसेच केंद्रप्रमुख श्रीमती सुधा पाटील, यांनी शिक्षकांच्या प्रयत्नांचे कौतुक करीत अभिनंदन केले.
योग्य मार्गदर्शन आणि आंनी सातत्यपूर्ण प्रयत्न केल्यास कोणताही विद्यार्थी यश प्राप्त करू शकतो. हा संदेश यातून अधोरेखित होत आहे. यावेळी श्री प्रवीण शिंदे सर, व परमेश्वर रुपणावर, यांचेदेखील योगदान लाभले आहे. या शिक्षकांना जिल्हापरिषदेचे शिक्षणाधिकारी सौ मीना शेंडकर, गटशिक्षणाधिकारी डॉ. विश्वास सुतार, विस्तार अधिकारी श्री भगवान चौगुले, या सगळ्यांचीच प्रेरणा लाभली.
