सभापतींच्या पतीविरोधात अॅट्रॉसिटी ?: शित्तूर वारुण येथील घटना

बांबवडे : शित्तूर तर्फ वारुण तालुका शाहुवाडी इथं हरिजन समाजातील महिलेला तानाजी भोसले यांनी कानाखाली मारल्याची घटना घडली आहे. तानाजी भोसले हे शाहुवाडी पंचायत समितीच्या सभापती प्रियांका भोसले यांचे पती आहेत. सदरच्या घटनेची फिर्याद शाहुवाडी पोलीस ठाण्यात नोंद करण्यात आली आहे. यानुसार आरोपीवर ११५,३५२,३५१ (२),अनुसूचित जाती व अत्याचार प्रतीबंध कायदा १९८९ चे कलम ३ (१),(r),(S), ३(२),(Va) प्रमाणे गुन्हा नोंदवण्यात आला आहे.

याबाबत पोलीस सूत्रांकडून मिळालेल्या माहितीनुसार दि.२८/५/२०२६ रोजी सायंकाळी ६.०० वाजनेच्या दरम्यान शित्तूर तर्फ वारुण येथील बुद्ध विहार याठिकाणी रेश्मा राजाराम यटम वय ३८ वर्षे या महिलेला कोणत्यातरी गैरसमजातून जातीवाचक  शब्द उच्चारून तुझ्यामुळेच समाजात  वादावादी झाली आहे. असे म्हणून त्या महिलेच्या कानाखाली मारली. व त्या महिलेला ढकलून देवून तिथून निघून गेले. अशा आशयाची फिर्याद खुद्द रेश्मा यटम यांनी शाहुवाडी पोलीस ठाणे इथं दिली आहे.

पदाधिकाऱ्यांनी पदाचा मान व वर्तनाचे भान ठेवणे गरजेचे आहे. अशी चर्चा ऐकावयास मिळत आहे.

सदर  घटनेचा अधिक तपास शाहुवाडी पोलीस ठाणे करीत आहेत.