शाहुवाडी त “एक पाउल प्रगतीकडे ..अध्यक्षांचा दौरा तालुक्याकडे”
शाहुवाडी : कोल्हापूर जिल्ह्यामधील प्रत्येक तालुक्यात जे काही प्रश्न निर्माण झाले असतील, त्याबाबत त्या त्या तालुक्यात त्या तालुकास्तरावर आढावा बैठक चे नियोजन करण्यात आले आहे. प्रत्येक खात्याच्या खातेप्रमुखाकडून आढावा घेवून, स्थानिक जिल्हा परिषद सदस्य, पंचायत समिती सदस्य व गटविकास अधिकारी यांचा समन्वय साधून तालुक्यातील प्रत्येक प्रश सोडविण्यात येईल, असे मत प्रतिपादन मुख्य कार्यकारी अधिकारी कोल्हापूर जिल्हा परिषद डॉ. जास्मिन यांनी केले आहे.
शाहुवाडी पंचायत समिती च्या सभागृहात हि आढावा बैठक संपन्न झाली. एक पाउल प्रगतीकडे ..अध्यक्षांचा दौरा तालुक्याकडे या उपक्रम अंतर्गत हि बैठक संपन्न झाली.
यावेळी पावसाळ्यापूर्वी तालुक्यातील नागरिकांचे संरक्षण, सार्वजनिक आरोग्य, शेती, रस्ते, वीज आणि पाणी पुरवठा सुरक्षित ठेवण्यासाठी प्रयत्न व्हावेत. यासाठी ग्रामपंचायत ने नियोजनबद्ध पूर्वतयारी करावी.
संभाव्य दरड कोसळणे, वीज अपघात, साथीचे रोग, रस्ते तुटणे, आणि पिण्याच्या पाण्याचे प्रदूषण, तसेच नादुरुस्त इमारती,मध्ये शाळा, अंगणवाडी भरवू नये, इमारतींच्या छताची गळती तपासणी, अतिवृष्टी , वीज जोडणी, आणि परिसर स्वच्छता करावी, तसेच ग्रामसभे द्वारे नागरिकांना नैसर्गिक आपत्ती काळात नागरिकांची काळजी घ्यावी. अशा अनेक प्रश्नांवर चर्चा करण्यात आली.
यावेळी जिल्हा परिषद अध्यक्षा शिल्पा खोत, उपाध्यक्ष तानाजी पाटील, बांधकाम व शिक्षण सभापती शीतल यादव, समाजकल्याण सभापती श्रद्धा गायकवाड, शाहुवाडी पंचायत समिती अध्यक्षा प्रियांका भोसले, उपसभापती अमरसिंह खोत, जिल्हा परिषद सदस्य सर्जेराव पाटील पेरीडकर , स्नेहल वेल्हाळ, राजकुवर गायकवाड, माधुरी पाटील, अभयसिंह चौगुले, लक्ष्मी पाटील, राजेश पाटील, सुरेश पोवार, गटविकास अधिकारी मंगेश कुन्चेवार, सहाय्यक गटविकास अधिकारी सुनील पाटील, कक्ष अधिकारी संजय अवघडे, तालुका वैद्यकीय अधिकारी एच.आर. निरंकारी, विस्तार अधिकारी पराग कानडे, आदी मान्यवरांसह सर्व खातेप्रमुख, ग्रामसेवक,उपस्थित होते. कार्यक्रमाचे आभार उपसभापती अमरसिंह खोत यांनी मानले.
